Të nderuar të pranishëm, të nderuar kryetarë të komunës, të nderuar deputetë, të dashur mysafirë,
Në Ditë Botërore të Pronësisë Intelektuale, festojmë kontributin e krijuesve, shpikësve dhe sipërmarrësve që e lëvizin botën e inovacionit dhe kreativitetit, duke krijuar vepra që inkurajojnë ndryshime dhe frymëzojnë një të ardhme më inovative.
Një ceremoni e organizuar nga Enti Shtetëror i Pronësisë Industriale, për të shënuar 26 Prillin, Ditën Botërore të Pronësisë Intelektuale, si dhe për të ndarë çmimin "Patenta e Vitit 2024".
Tema e Ditës Botërore të Pronësisë Intelektuale për vitin 2025 është: “Pronësia intelektuale dhe muzika: “Ndjeni ritmin e pronësisë intelektuale!”
Po ashtu, edhe këtë vit, si çdo vit tjetër, në përputhje me Programin e Punës së Entit, komisioni i përbërë nga ekspertë në fushën përzgjodhi shpikjen që i përmbushi kriteret për ndarjen e çmimit "Patenti i Vitit për vitin 2024".
Me rastin e kremtimit ceremonial, Drejtori i Entit, z. Eljesa Neziri, iu drejtua të ftuarve, fituesve të çmimeve, kryetarëve të komunave, deputetëve, përfaqësuesve nga fusha e pronësisë industriale, si dhe të punësuarve në Ent, me një përmbledhje vlerësimin e të drejtave të pronësisë intelektuale dhe si një nga faktorët e rëndësishëm për zhvillimin e tregut. Enti mbetet motor kryesor i mbrojtjes së të drejtave të pronësisë intelektuale.
Drejtori е potencoi rolin e Entit, si faktori më i rëndësishëm i mbrojtjes së të drejtave të pronësisë intelektuale. Ky përparim është i nevojshëm në mënyrë që krijuesit, shpikësit dhe kompanitë, në përputhje me standartet e Bashkimit Evropian, të jenë konkurrues si në tregun e Bashkimit Evropian ashtu edhe në tregun global.