Drejtori i Entit Shtetëror për Pronësi Industriale, z. Eljesa Neziri, e ndau çmimin:
" Patenta e Vitit për vitin 2024"
Këtë vit, patenta më e mirë për vitin 2024 u zgjodh për shpikjen me numër aplikimi P-725/2024 të datës 27 dhjetor 2024, me titull:
“Substancë për thithjen e energjisë së nxehtësisë gjatë dekompozimit termik të baterive me jon litiumi” paraqitur nga Boris Jankovski dhe Iskra Jankovska Mihajlovska, të cilët janë gjithashtu shpikës.
Shpikësit gjithashtu ia prezantuan shpikjen e tyre audiencës përmes prezantimit të tyre në video.
Përveç kësaj, çmime iu ndanë shpikësve nga Maqedonia, të cilët i morrën ato përmes pjesëmarrjes së tyre në panaire ndërkombëtare të inovacionit.
Së pari, në "Konferencën Globale Ministrore mbi Sigurinë Rrugore" dhe "Konkursin Ndërkombëtar për Shpikje dhe Inovacione në Fushën e Sigurisë Rrugore" - Marrakesh, Marok, 18 - 22/02/2025, Profesoresha Anita Trajkovska - Broach, e cila jeton dhe punon në Amerikë, u përzgjodh midis 10 shpikjeve më të mira me shpikjen e saj, dhe në fund mori një Medalje Ari për shpikjen me titull: "Vigjilencë dhe Kujdes i Përmirësuar te Shoferët me Syze Dielli "Dopa Sun"".
Motra e Anitës, ish-fituesja e çmimit Patenta e Vitit 2022, profesoresha Anka Trajkovska Petkoska, morri Medaljen e Artë së bashku me Certifikatën në emër të saj.
Shpikësi: Shoshevski Mile, nga Shkupi, gjithashtu garoi në të njëjtin konkurs ndërkombëtar dhe morri një medalje ari për shpikjen "Makinë kompakte autonome për shpime horizontale nëntokësore për instalimin e instalimeve nëntokësore".
Në Ekspozitën Ndërkombëtare të Inovacioneve Teknike, Patentave dhe Shpikjeve Invent Arena 2024, në Trinec, Republika Çeke, si dhe në Forumin Global të Shpikjeve në Qipro 2024, Limasol, Qipro, medalje ari iu dhanë Ilija Nasov dhe Anka Trajkovska Petkoska, për shpikjen që u shpall edhe Patenta e Vitit për vitin 2022, me titull "Kolektor fototermik me efikasitet të përmirësuar të thithësit termik".
Gjithashtu, në Ekspozitën Ndërkombëtare të Inovacioneve Teknike, Patentave dhe Shpikjeve Invent Arena 2024, e cila u mbajt në Trinec, Republika Çeke, Igor Petrov nga Probishtipi morri një medalje ari për shpikjen e tij me titull "Pajisje për Mbrojtjen Mekanike të Rrënjëve të Fidanëve Frutorë".
Në Panairin Ndërkombëtar të Moskës për Inovacion dhe Teknologji, një fitues çmimi është Stojan Srbinovski, M.A., për shpikjen: "Një lloj i ri tubash për sisteme presioni".