Државниот завод за индустриска сопственост (ДЗИС) го објавува ДОКУМЕНТОТ ЗА ПРАКТИКАТА (СР3),врз основа на кој се определува кога фигуративните трговски марки што содржат само описни/недистинктивни зборови ги исполнуваат условите за признавање при испитување на апсолутните причини, бидејќи фигуративните елементи се доволно дистинктивни.
Овој документ е резултат на заедничките напори на ДЗИС и Заводот за интелектуална сопственост на Европската унија (ЕУИПО), како дел од активностите во рамките на меѓународната соработка и има за цел да ја зголеми точноста, транспарентноста, правната сигурност и предвидливоста во интерес на корисниците и испитувачите.
Документот се објавува заради запознавање на корисниците со практиката што ДЗИС ќе ја применува од 14 март 2022 година.
Документот за практиката е поделен на два дела. Првиот дел ги објаснува критериумите и главните принципи на практиката. Вториот дел содржи јасно и сеопфатно објаснување на тие принципи.
Документот е достапен ТУКА: