На ден 16 Јули 2024 година Елјеса Незири ја презема функцијата нов вршител на должноста (в.д) директор на Државниот завод за индустриска сопственост.

Елјеса Незири е роден на 27.04.1996 година во Скопје, каде завршува основно и средно образование.

Високите студии ги заврши на Правен факултет при Универзитетот на “International Balkan University”- Скопје и станува дипломиран правник.

Над 3 години има работено како раководител во Комунална Хигиена во Скопје.

Исто така, над една година има работено како помлад соработник во Управа за Јавни Приходи во Скопје.

Бил учесник на различни Младински Здруженија и бил активист на Здружението за одржување на природата „Ден на дрвото“.

Елјеса Незири има учествувано на симпозиуми и конференции во Република Северна Македонија, во соработка со домашни и меѓународни организации и тела.